新天地睇相 (Polly & Cheong)

polly & cheong | 15th Feb 2008 | 婚紗相篇 | (657 Reads)

本來要等到18號至有得睇相,但係早幾日無端端打嚟話18號佢哋公司春茗,問我哋可以唔改時間,所以我哋就提早咗星期三去睇相....

其實我哋之前我哋已經睇中咗佢哋package入面嗰本10"x15"嘅相簿 emotion ,但係我哋又擔心影得唔好,所以諗住睇咗相如果靚至加相簿。個sales一開始比室外嘅相我哋睇,我哋好快手咁out剩咗十幾張,之後佢就比室內嘅晚裝相我哋睇。唉! 唔睇由自可,肉酸到無人有,無一張揀得落手,最後我哋一張晚裝嘅相都無揀到 emotion 。當我哋望住剩低嗰十幾張,諗住等個sales開價,點知佢唔sale我哋不特止,重同我哋講要out多八張至啱數 emotion ,呢個時候我哋唯有自己開口話我哋想加相簿,問佢可唔可以要返個package,但佢話影咗之後唔可以加,後來比咗個同package差唔多嘅我哋,唯一唔同嘅係無咗個油畫框,最後我哋都accept咗。不過走咗之後開始有啲後悔,因為啲相好似好standard咁..... emotion

留言(6) | 引用(0) | 話題(結婚故事)

[6] Re: HaPPy

HaPPy :
又會有d咁奇怪的sales叫你out多8張相的...正常應該sell你要多d才對 ~_~

係呀~佢簡單好似倒緊公司米咁...哈哈!!

[引用] | 作者 polly & cheong | 18th Feb 2008 | [舉報垃圾留言]

[5] Re: Jack~Con

Jack~Con :
你個case同我個時咁似既...?!我個時揀相....都唔係好滿意....esp. d晚裝...真係好麻麻地呀...
我都覺得佢d sales唔係好sale啦...不過佢都有叫我加多少少整本相簿...但我最後我無加...叫個free package咁...只係要左12張相...或者係因為我真係覺得影得唔好....同埋我仲會影cdl...咁真係要加既...我都仲有chance....所以我真係一張都無加到...不過黠都好...你滿意既程度睇黎比我好d...都多過12張...唔錯啦...!!

哈哈...我諗我哋只係比你哋滿意少少架咋!因為我哋揀咗十三、四張之後就已經揀唔落手,剩返嗰幾張都係是但揀架咋!!其實我哋法國都未影完,所以有啲後悔加响新天地,如果法國影得好啲嘅話,我哋實嘔血....

[引用] | 作者 polly & cheong | 18th Feb 2008 | [舉報垃圾留言]

[4]

又會有d咁奇怪的sales叫你out多8張相的...
正常應該sell你要多d才對 ~_~

[引用] | 作者 HaPPy | 18th Feb 2008 | [舉報垃圾留言]

[3]

你個case同我個時咁似既...?!
我個時揀相....都唔係好滿意....
esp. d晚裝...真係好麻麻地呀...

我都覺得佢d sales唔係好sale啦...
不過佢都有叫我加多少少整本相簿...
但我最後我無加...叫個free package咁...
只係要左12張相...
或者係因為我真係覺得影得唔好....
同埋我仲會影cdl...咁真係要加既...
我都仲有chance....所以我真係一張都無加到...
不過黠都好...你滿意既程度睇黎比我好d...
都多過12張...唔錯啦...!!

[引用] | 作者 Jack~Con | 18th Feb 2008 | [舉報垃圾留言]

[2] Re: eddie & caca

eddie & caca : 嘩,個sales都幾倒米架喎,正常用coupon,到揀相時都叫d客加相,比個優惠價架啦!不過相架就唔係o係佢到加,出面整都唔駛咁貴呀,你拎塊酒畫布出去整柜啦!

係呀~個sales都係咁教我!! emotion

[引用] | 作者 polly & cheong | 16th Feb 2008 | [舉報垃圾留言]

[1]

嘩,個sales都幾倒米架喎,正常用coupon,到揀相時都叫d客加相,比個優惠價架啦!不過相架就唔係o係佢到加,出面整都唔駛咁貴呀,你拎塊酒畫布出去整柜啦!

[引用] | 作者 eddie & caca | 16th Feb 2008 | [舉報垃圾留言]