一早睇天氣報告已經知道要凍到新年至會回暖,所以都有定心理準備,抱住本死無大害嘅精神,接受呢項咁艱巨嘅挑戰!

嗰日我哋遲咗成半個鐘,所以一去到即係比人"的"咗去換衫化妝。今次幫我嘅mua明顯比上次法國嗰個快手,佢三兩下手勢已經幫我整好髮型同個妝,可以出去影相! 而幫我哋影相嘅攝影師係一個叫Alex嘅靚仔,大家自我介紹之後就開始影相。本來我唔想影木馬同老爺車,但原來劉成成一心想影木馬,所以我唯有就範.....!今次影相大致上都好順利, 加上個攝影師同助手成日都講笑,所以我哋都影得好開心! 雖然我勇氣可加,不過影完之後我凍病咗.....到依家都未好返!!